उनकै लागि त हो
भावना गिरी
क्यानाडा
सिउँदोमा सिन्दूर भरेकी छु
हातमा उनीलाई कोरेकी छु
गुलाफबाट लाली चोरेकी छु
उनकै लागि त हो
जानी नजानी रातो सारी बेरेकी छु
गलामा हरियो पोते भिरेकी छु
सुनकेस्री केस लाछामा घेरेकी छु
उनकै लागि त हो
स्वर्गबाट भर्खर झरेकी छु
उनकै गाउँ आज मात्रै सरेकी छु
ओठमा अनमोल मुस्कान छरेकी छु
उनकै लागि त हो
सोमबारे व्रत बसेकी छु
त्यो मुटुको कोठामा पसेकी छु
दिलकै कविता रचेकी छु
उन्कै लागि त हो
महादेव नै ठानेकी छु
सात जुनीको सहयात्री मानेकी छु
नारी हरियो चुराले बानेकी छु
उनकै लागि त हो |