गजल-१६२
बृजेश गौतम
डेनमार्क
सपना सबै पुरा हुन
उडी माथि चन्द्र छुन
परोपकार र माया छान
यौटा मीठो कथा बुन
जीत-हार नसम्झिनु
सधैं तिम्रो मुटु सुन
नयाँ सोच, ठूलो सोच
स्वार्थ माथि भलो चुन
बिघ्न बाधा आउलान् कतै
सेलाउन न देऊ खुन
कोही पनि पूर्ण छैन
न भा माथि हेर जुन
गाह्रो छ है भाइ बहिना हो
बच्चाबाट मान्छे हुन
बृजेश गौतम भाई,
गजल राम्रो लाग्यो, डेनमार्कको भूमिले यौटा गोर्खालीलाई जीवन मूल्य सिकाएछ , मान्छेलाई पूर्ण मानब हुन समय लाग्छ , धैर्य गर्न सक्नु पर्छ भन्ने संदेश गजलले दिएको बुझेको छु ,
कृष्ण पोखरेल, नेपाल