गजल-२९४
दुर्गा रिमाल
अस्ट्रलिया
मैले मन्दिर जलाए भगवान् प्राप्तिकै लागि
अनि कस्सम खाए भगवान् प्राप्तिकै लागि
दलित भनेर जब बा-आमा लखेटिए मन्दिरबाट
मन मै मन्दिर बनाए भगवान् प्राप्तिकै लागि
भट्टिबाट निस्केर पडित बाले आगन के टेके’थे
तुरुन्तै सुन-पानी छर्काए भगवान् प्राप्तिकै लागि
पुरान चलिरहेको अवसर पारेर बा-आमालाई
मैले पनि फुल चडाए भगवान् प्राप्तिकै लागि
एउटै बिन्ती ! मेरा छोरीहरूलाई जब म मरेपछि
आफ्नै हातले आगो लगाए भगवान् प्राप्तिकै लागि