सन्ततीको वन्दना
पदम काफ्ले
सिड्नी
प्रकृतिको सुन्दर काख, देश हाम्रो भुटान ।
भाषा, धर्म, संस्कृति, चाढ, जगेर्ना र उत्थान ।।
प्रगतिका पाइला हाम्रा स्मरण छ देशलाई ।
भुल्ने छैनौं आफ्नो पन र, रीतिरिवाज भेषलाई ।।
राष्ट्रियता हाम्रो प्यारो जीवनयात्रा विश्वमाझ ।
परदेशबाट वन्दना छ , सन्ततीको अटूट साथ ।।
अखण्ड माया गढेको छ, ज्ञानभूमि स्वदेशमा ।
पौरखी बन्दै कर्मरत छौं, वर्तमान परदेशमा ।।
विश्वमाझ हाम्रो पीडा, इतिहास मनन छ ।
एकताको सूत्रसाथ, स्वदेश सेवा अठोट छ ।।