आउ खेलौँ होली
देश विदेश जताततै
यो कस्तो उमङ्ग
आयो फागुन होलीको
थरिथरि रङ्ग
एकआपसमा मिलेर
भिँडमा रमाइरहे
मौसम नै मज्जा आनन्द
रङ्गमै डुबाइरहे
बादलको स्वागत
सूर्यको मुस्कान
जगतमै हाँसो छ
प्रेम-रङ्ग भरेर बेलुन प्रहार
खेलमा जो चासो छ
पिचिचिचि पिचकारी फोहरा
वर्षा भो रङ्गकै
नाचे सङ्गीतमै छमछम
नशा त्यो भाङकै
सदभावको अबिर दलेर
सप्तरङ्गी रङ्गोली
बाडेर रङ्गीन पिरती
आउ खेलौँ होली