ऐनाभित्र म

म
धेरै दिन अघि
एउटा ऐना चाहन्थेँ
आफ्नै रुप हेर्न
आफ्नै अनुहार हेर्न
राम्ररी !

ऐना भेट्न समय लाग्यो
भेटेर पनि
आफ्नो अनुहार हेर्न
आफ्नो रुप हेर्न
समय लाग्यो
अनि
ऐनाभित्रको आफ्नो रुपमाथि
ऐनाभित्रको आफ्नो अनुहारमाथि
विश्वास गर्न
झन् समय लाग्यो ।

त्यो ऐनाभित्र देखिएको
मैं थिएँ
(मैँले विश्वास गर्नु प-यो यथार्थलाई)
तर कुरूप
ज्यादै कुरूप!
मेरो अनुहारलाई
अनुहारै भन्न नहुने
हाय! म अनुहारविनाको रहेछु
यो कस्तो यथार्थ

साँच्चै
म जे हुन्छु भन्थेँ
त्यो हुन सकिनँछु –
मलाई आज मात्र थाहा भयो
जब मैँले आफैँलाई
गौर गरेँ
ऐनाभित्र
राम्ररी!

१३/११/२००१
हात्तिसार धरान

Tags: Bhutanese in Norway Bhutanese Literature Bhutanese Poetry Bhutanese Story Bhutani kavita Ramesh Gautam Ramesh Gautam Norway Writer Ramesh Gautam